麦洁文、江华和女儿陈蔷天今日（9/5）现身观塘为《麦洁文心动回眸演唱会》音乐彩排。麦洁文接受《香港01》访问时表示：“其实佢哋两个都系嘉宾嚟，变咗我都会佢哋合唱，而阿女都会独唱自己啲作品，佢而家好叻，无论喺创作声线方面已经超越咗我。但喺技术上就要我呢位老师帮佢磨炼吓。”
麦洁文觉得《中年好声音3》评审俾分太过松手。（吴子生摄）
被问到光头造型是否为今次演唱会而设？江华否认：“其实呢个系我而家嘅造型嚟，因为头先都讲过人年纪越大，又要染发又要剪发，整咁多嘢好嘥时间又嘥钱，加上有啲地中海，咁就决定断舍离，由头发开始。（饮食上戒得好清？）嗱，要食得好清，首先要穷。因为穷你就会少咗出去消费，变咗成日都会喺屋企，变咗食嘢就比较清淡，相对对健康系好啲。”
麦洁文、江华和女儿陈蔷天今日现身观塘为《麦洁文心动回眸演唱会》音乐彩排。（吴子生摄）
被问到《中年好声音3》参赛者水平如何？麦洁文表示：“佢哋好犀利，好高分。（你做评审都会俾咁高分？）其实好难㗎，因为佢哋俾啲分数系偏高嘅时候，当你去做评判，俾嘅分特别偏低嘅时候，就会俾人话。其实每一个人都会有一个秤，只要你平均咁俾每一个人，我就会觉得系Ok。但似乎佢哋好似喺度斗俾高分，变咗我就觉得俾分就失去咗意义啰。但啲参赛者嘅水准系好嘅。”江华插嘴说：“嗱俾分呢样嘢就好主观嘅，我哋又唔可以咁讲人哋。”麦洁文补充说：“我讲自己啫。”江华打圆场：“讲自己呀，咁大家唔好误会。”
